🌟Недела на млади на Црвен крст на Република Северна Македонија 🌟

Во  периодот од 1 до 7 октомври се реализираше уште една успешна Недела на млади на Црвен крст на РС Македонија под мотото „Иницирај дела, инспирирај промени – Inico vepra, inspiro ndruyshime“. Неделата се одбележа преку активности за зајакнување и вмрежување на волонтерите во рамки на клубовите на млади.

На 5 октомври, клубовите на млади на Црвен Крст на Република Северна Македонија организираа промотивни настани низ 25 градови во државата. Сите настани се одвиваа на ист ден и во исто време, со синхронизирано сценарио и меѓусебна поврзаност на дигитален начин. 💻📢

Младите на ЦКРСМ преку нивните лични волонтерски приказни искажаа силна порака до своите врсници за важноста на дејствување и промовирање на хуманите вредности како одговор на современите хуманитарни предизвици.

Централниот промотивен настан се реализираше во градот Скопје, во центарот Инокс, во организација на ЦКРСМ, ЦКГС и 5-те ООЦК кои делуваат на територија на градот Скопје. На настанот обраќање имаа Генералниот секретар на ЦКРСМ, д-р Саит Саити и Претседателот на Млади на ЦКРСМ, Александра Сандева. Присутните имаа можност да ги слушнат личните волонтерски приказни на 6 волонтери модерирани низ дискусија како и обраќањата на волонтерите кои се вклучија во живо од 10 градови од своите локални промотивни настани.

#ЦКМлади #НеделаНаМлади